Eröffnung der BRIGGEHOSSLER-Kerwe in Baiertal – ein weiteres Highlight in der Region
Wieder ein tolles Event, was in der Region beliebt ist. Wetter nicht prickend, kühl aber trocken, zumindest von oben! Wir haben die Eröffnung medial begleitet und wollen unser „Machwerk“ in einigen Bildergalerien an Sie weitergeben …
Zunächst zur Einstimmung ein paar Impressionen …
Nach dem musikalisch begleiteten Einmarsch der „Kerweborschte“ bezogen sie auch gleich die „Brigg“, um von dieser Örtlichkeit aus die Kerwe mit entsprechenden Reden zu eröffnen.
Mit von der Partie war „Ihre Hohheit“, die Weinprinzessin CORA, die nicht mit leeren Händen gekommen war. Diese waren beim Ortsvorsteher Michael Glaser noch leer! Nicht lange, denn der Schlüssel zur Ortsverwaltung wurde für die Dauer der Kerwe an ihn übergeben! Ebenso war unter dem „Kerwevolk“ der Oberbürgermeister Wieslochs, Dirk Elkemann, mit seiner Partnerin auszumachen.
Wir haben die „Eröffnungsrede“ für Sie zum Nachlesen …
Eröffnung
Kunnes:
Ä Johr isch jetzt rum, de Sebtemba isch kumme, unn mir Borschde hewwe widda unsa Brigg erklumme. Zur Eröffnung unsra Kerwe – konn endlich starde, zwölf longe Munad musste mir darauf warde. Doch bevor wir des Komittee in gewohnter Weise, Eich Gäschdd uff de Kerwe willkommen heisse, unn die Traditione pflege unn bewahre, will Eich de Auge noch ebbes sahre.
Auge:
Zwonsisch Johr bin i zur Redd newam Kunnes gstonne, die Zeit – die rennt, doch der Blick geht nach vorne. Mir wärre net jinger, so isch`s halt em Lewe, es macht kohn Sinn ewisch, am Amt feschd zu hewe. Fa die zukünftig Kerwe, um des Feschd zu bewahre, soll von nun an de Rene de Schlissl trahche. Nur koh Ängschd – ich bleib erhalte em Komitee, unn konn dem junge Spritzer mit Rat unn Tat zur Seite steh.
Rene:
Ich unn die Borschde lade Eich ei zu vaweile, feiert mit uns uff de Briggehossla Kerwemeile. Find Eich zamme em Disch, dud singe, babble, lache, unn loßt` die drei Dag mol sou rischdisch krache. Die Kerweordnung tritt in Kraft, statt Supp gibt`s nur noch Gerschdesaft. Die Kich bleibt kalt – geht vun Stond zu Stond, schmaust uf de Kerwe bis dass de Ronze schbonnd.
Kunnes:
Wir verkünden nun feierlich , es isch glei soweit, der Startschuß der schönsten Baiadla Jahreszeit. De Jan dud schun die Schell nuffstregge, wärd morjends des Kerwevolk uffwegge.
Des Buch isch do, ihr kennt`s ruhisch glawe, wer was ohstellt – der wärd eigetrahche. Was nun noch fehlt, des isch net viel – ischs hägschde Kerwe-Utensil.
Rene:
Drumm Michael, streck mol her de Schlissl, der sou grouß isch wie en Elefonderissl. Unn steije nunna – steche des Fässl oh, damit die Kerwe endlich lousgeh.
Zum Fassanstich wurde, obligatorisch, das Badnerlied gespielt …
Ein kleiner Rundgang bescherte uns noch ein paar Eindrücke …
… ein paar SPECIALS …
zum guten Schluss die vorgezogene Schlumpel-Taufrede … die uns liebenswürdigerweise zur Verfügung gestellt wurde!
Schlumbldaaf
Kunnes:
En haufe Gschichte kehnte mir noch vazähle, doch die Zeit, die drängt unn varroscht isch die Kehle. Mir faggle net long, mir dunne net lieje, unsa Schlumbl soll endlich ihrn Nome krieje.
Weil Gäschd aus aller Welt sinn en unsan Ort, kummt unsa Schlumbl ah vun weida fort. Sie isch französin unn en de ledschde Daare, mußt`si en ihrm Ort viel Truwel ertrahche.
Des war zuviel, isch en`d Seine neigsprunge, unn schnurschtrax zu uns nach Baiadl gschwumme. Isch seit geschdan bei uns, unn es gefällt ihr sehr, sie liebt französisch, doch mit de Sprohch dud si sich schwer. Wie`s olimbische Feier erstrahlt unsa Madmusell, brausch ä Sunnebrill wenn si ohgugsch, sunscht isch`s zu hell. Sie hot Flair, isch an Eleganz net zu üwwabiete, desweje mir Borschde si wie en Augapfel hiede.
Rene:
Kohn Makel dud ihr Haupt vadriese, koh graues Hoor de Kopf rausspriese. Koh Gromm zuviel isch unna de Weschd, isch austräniert unn wirklich feschd. Ihr Figur mit Kurve – gleich der Afrodite, ich frog Eich – welli Fraa konn sowas biete? Unn`s allerbeschd, mir Männer wisse es zu schätze, dud unsa Schlumbl net gonz soviel schwätze. Unn wenn mir saufe, fresse odda fatze, des dud unsa Schnuggl net wirklich kratze. Mol zommegfasst, isch halt`s jetzt feschd, isch unsa Kerwebraut die Allerbeschd. Mon amur du mei Chery, du hasch net Chloe odda Marie. Ah net Desiree odda Claire, es muß en onnare Nome her.
Kunnes:
Bei uns do wärd koh Champagner gekaaft, en Baiadl wärd Schlumbl mit Bachwasser gedaaft. Drumm Harald, jetzt geb mol de Schepfer zu mir, getränkt mit der Briggehossla Elixier. Gedaaft wärsch jetzt auf diese Weise, Madame Paris sollsch von nun an heiße. Unn isch de Akzoh zu schwer zum vortrahre, dann kennt a Päris zu a`re sahre.
Rene:
Mir erfille jetzt unsa schweres Omt, Du bleibsch zurick – hängsch do am Kont. Dein Antlitz soll die Kerwe begligge, unn en Gruß an alle Gäschde schigge. Mir Borschde, mir hoffe, daß Eich gut gfällt, hier en Baiadl, dem Nawwel der Welt.
Nun wünschen wir der „Briggehossler-Kerwe“ einen störungsfreien Verlauf, Ihnen en einen schönen Abend bei bester Gesundheit und Lebensfreude !
©Kraichgaulokal Medien 2024
